CARD Thawngthanh: March 2008

27 Mar 2008

Hmunkip ummi dawtmi CARD Unau hna,

A tu bantuk in kan riantuannak ah duhpinak le siaherhnak nan kan ngeih mi nan rak langh ter mi nih hin fim tampi akan chimh lai ti kan zumh caah kan lung aa lawm tuk. Kanmah lei daithlannak le tlamtlin lonak ruangah Rev. Josheph Ral Tong nih a ti ban tuk in ARI Japan training kai ding kum hnih kan tlolh cang. Kanmah hnu a kal mi TABC le HBA nih hmai an kan sak kanh ngai cang. Hi kongah Lailei um kan nu kan pa zawng an lung a rawk ngai ve.

March 25, 2008 ah khan Kalaymyo Zotung Church ah CARD BM Meeting kan tuahtlamtling tein kan lim khawh. Cu zawngah cun kan pa le nih fak nawn in an kan ti ve i tu kum zawng zuam than ding kan ti i Pastor Sang Iang (ZPBA) BM hna tlak in thim than a si. Cun Philipine ah Searsorlin kai dingah Pastor Sang Khum (BAM) thim a si i Kachin pyine (Kawl Ram) ah Farmer Field training thla thum kai dingah Pastor Kyaw Lwin (ZABC) thim an si.

Cun CARD ah Capacity Buiding Facilitator ah parttime in Pastor Ram Nawn (SBA) thim a si. Partime in a kan bawm tu Pastor Hlei Khia kha Philipine ah Social Development kai ding a si ve cang. Cun 2007-2008 CARD Gospel team cu Pathian lam hruainak in March 16 ah dam tein CARD zung an phan i CARD khua 130 an kal i phaisa ks.4110650/- an rak chuah pi kho. Mipi an tha a tho ngai an i lawm ngai Pathian kan thangthat. Anmah minung 16 Uniform le eidin laksawng TA.DA le a dangdang a dih mi pinah 1500000/- kutcung tang a si i tukum zawng CARD ramchung i a harsa deuh bawmh ding rak ti cia mi pawl cupeh zulh tein tlawmpal cio te bawmh cio ding in hna tlaknak kan ngei.

Cun CARD Kum hra tlinnak Magazine chuahding in timh lamh a si i cu zawngah cun Sponsor hna kan herh ngai te lai Pathian kan bochan ko.

Cun 2008 BM ah hin Memberthar pahnih kan ngeih hna. Cucu Buanlung Area le Zotung church Yangon an si. A tu hi Association 7 le Distric pakhat le Area le Church pakhat kan si cang kan tlawm ti lo Pathian thluachuah a si kan ti i Pathian cungah le hmun kip um mi a lam kip in akan tanpi tu kan Unau nan dih lak cung zongah kan i lawm.

Cun 2008—2009 zongah VCD Vol. III chuah tthan ding kan ti. Pathian bochan bu le hmunkip um kan Unau hna bochan bu in.

Thawngpang tete zong kan i thanh pah hna lai, nan cungah kan i lawm hringhran. Pathian thluachuah nan cungah hmun camcin ko seh.

Lunglawmhnak chimcawk lo he,

Ngai Men

Camp Kalay myo