Sermon "Kan lam a tluanlo tikah" by Dr. S. Hre Kio

Source: CIM, Rungcin, Lai Forum Mail on 24 June 2009 Kan Lam A Tluan Lo Tikah Rev. Dr. Stephen Hre Kio   Hlaphuahtu pakhat nih hla a phuahmi cu, "Vawlei cung kan nun dam lio ah hin nuamnak tling ti a um bal lo" tiah a ti. Vawlei cung kan nundam lio, kan  i nuam kan ti zongah hin kan i nuamhnak zong hi a tling taktak bal lo ti a si. Mah cucu bia dang i kan ti ahcun, " Kan lam a tluan lo tikah," kan timi he khin a khat. Zumtu kan si, nuntharnak kan ngei, kan piangthar, Pathian fa kan si, vawlei minung kan si ti lo, Vancung ah a lengmi kan si, ti tiang hmanh kan ti ah, kan nunnak taktak a ngaingai in kan vun zoh tikah cun,vawlei mi kan sinak, kan tlamtlinlonak tampi kan hmuh thiamthian rih. Chun a um bantuk in zan a um. Mitthlitlaknak a um bantuk in nih-nak a um. Kan nunnak hi Khrih le Thiang Thlarau nih a kan umpi kan ti zongah, kan nunnak chung ah hin pangpar bantuk in kan nung kan ti zongah, pangpar lakah hling a rak um thiamthiam i, cu hling nih cun kan nunnak a hrawh tawn i, pangparnak in hling kha a ngan deuh ah kan ruah tawn i, pangpar nakin hling kha kan i buaipi tawn. Cu nih cun Khrihfa tampi a hrawh hna i, hling nih cun mi tampi Pathian bia kho lo in a tuah hna i, Pathian zum nakin Satan leiah kan kalnak caan tampi a um tawn. Kan lam a tluanlo tikah hmailei i fon nakin hmu lei i kir kan duh. Kha bantuk kha nihin ah hin chim ninglaw ti saduhthah ka ngeih caah nihin ah hin cucu chim ka timhmi a si. Cubantuk i hling kan ngeih caan, kan lam a tluanlo caan, vansanglam khuaruahhar i kan um caan ah "Zeiti'n dah Khrihfa mi nih, Khrihfa taktak a si mi hna nih kan lungput ning a si lai?" ti kha nihin ah hin chim ninglaw ka duh. Nan nunchung ah nan lungput hiti hin sisehlaw, timi hi panga in chim ka duh..   (1) Pathian nih tinhpiakmi a kan ngeih ti hi thatein i tlaih u silaw ka duh. Atu i Jeremiah 29:11-14  tiang,  an kan rel piakmi ah khan zei a ti dah tiah, " Nan caah tinhmi ka ngei" tiah Pathian nih a ti. Achimtu cu Jeremiah a si; lung a ngeitu cu Pathian a si. Mah kha ti a ti mi hna kha, " Nan caah tinhmi ka ngei dah kaw" a ti mi hna kha thongtla an si. Mi nuam, a nuam ngai pawl an si lo. Thongtla, Isreal mi Babilon ah thong kum sawn sarih an va tlaknak, thong an va tlaknak ah khan Pathian nih cu ti cun  a va  ti hna. " Nan lam a tluan lo tik zongah hin, tinhmi ka ngei dah kaw" ti hi a si. Lungleng i nan um lioah hin, Jerusalem ngai i nan um lio ah hin, Khebar tiva pawng ah tingtang he nan lunglennak hla nan sak lengmang lioah hin , kan mitthli cu rawl bangin kan ei nan ti lioah hin, nan caah tinhmi ka ngei dah kaw, a ti hna.   Mah khakha Khrihfa mi paoh nih, Pathian a zummi paoh hna nih Pathian nih zeibantuk ka lam zong siaikun, ka caah tinhmi a ngei dah kaw, timi biatak hi i tlaih thup usilaw, kan nunnak hrihhrampi a si lai i cucu a biapi ngaingai. Pathian nih kan caah tinhmi a ngei dah kaw, zeibantuk thong kan tlak, zeibantuk kan lam a muih zongah, hling he kan i ciah zongah, kan caah tinhmi a ngei dah kaw, tihi a biapi tuk hringhring. Zeicaah? A fa kan si caah! Isreal mi kha ka fale a ti hna caah, a thim hna caah , a tuamhlawm hna caah , a theih peng hna caah, nan caah tinhmi ka ngei dah kaw a ti pengnak hna kha a si. Mah cucu pakhatnak ah i cinken usilaw, kengtha usilaw, i tlaih thup usilaw, ti ka duh.   (2) Cu tinhmi a ngeihmi cu Amah Pathian lawng nih a theih. Amah Jeremiah nih Pathian bia cu a chim i, "Cu tinhmi ka ngeih mi cu keimah lawnglawng nih ka theih" a ti. Pathian nih nan ca, kan ca i tinhmi a ngeih mi kha Amah Pathian lawng nih a theih. Ziah Pathian mah cucu na ka chimh ve lo?  tiah phunzai len-awk a si lo. Keimah lawng nih ka theih a ti ah cun amah lawng nih a theih a si ko. Zeicah tiah kan hnu kan hmai kong hi Amah lawng nih a hngalh. Midang ahohmanh nih kan hngal lo. Cucaah kannih nih kan i tlaih awk (kan lehkhan awk) zeidah a si tiah: Pathian nih kan caah tinhmi a ngeih mi hi Amah lawng nih a hngalh. Kannih nih kan hngal lo.. Kan hngalh zongah tlawmte fang khi a si. Kan hngal dih bal lo. Mah kha hngalh bal lo, hngalh dih lo kha i nautat awk a si lo. Ngeihchiat awk zong a si lo. Asermi kan si caah kan hngal dih bal lo.   Hngalh bal lo, a dihlak i hngalh dih lo hi Baibal ca nih hmun tam nawn ah a chim ko. Sam 131:1ah zei a ti dah tiah, "Ka ca i thil hartuk mi hna kha ka­­­­­­­­­­­­­­­­­­­­­­­­­­­­ hna ka hnawhpi ti hna lo," ti khi a si. Hakha Baibal ca ka zoh tikah zei a ti dah tiah "Ka ca i thil hartuk mi hna kha zei ah ka rel ti hna lo" a ti. Mah kha "Zei ah ka rel tio hna lo" ti kha Hebru holh ah zeitindah leh khawh a si ti ah cun, "Ka ca i thil hartuk vialte hna nih hin hna an kan hnawh ti lo" ti khawh a si. Hi vawlei cung thil har kan timi, kan hngalh khawh lomi, kan theih khawh lomi vialte hna nih hna in hnawh hna hlah seh, tinak a si. Baibal Cathiang nih a timi a si; keimah timi a si lo.   Cun Deuteronomi 29:29 ah zei a ti dah? Kan theih khawh lomi le kan hngalh khawh lomi, "Aa thupmi thil hna cu Bawipa ta an si," a ti. Kan hngalh khawh lomi,  kan theih khawh lomi thil vialte hna kha Bawipa nangmah ta an si, ti duhnak a si. Kan thluak in kan ruah khawh ti lomi siseh, kan nunnak ah harnak le temh-innak kan tonmi vialte zong siseh, kan theih kan hngalh khawh lomi hi Bawipa ta ah chia usih. --- Adihlak HIKA ah relding a si. ------------------------------ "Serve with gladness"

CARD THAWNGTHANH (June 2009)

CARD Thawngthanh (June 2009)

Hmunkip um mi CARD unau hna,

Nan dam lio cio a si ko lo maw? Nan umnak thawngpang a tha cio maw? Kan biak Pathian nih a kutcak in lam tha in hruai chin cio ko hna seh. Nan caah thlaza cam kan dai hin lo. Lailei um nu le pa ule nau hna zawng dam in kan um lio cio a si. Akarlak ah thihlohnak le zawtfah dam lonak tete cu ton pah cio a si ko lai vawlei a si ban tuk in. Pathian tu nih kan umpi cio ko seh.CARD BM biachahnak kan kuat cang hna ban tuk in CARD nih 2009 in biatak tein tuanchuah a tinh mi Endowment Fund kong he pehtlai in tinhmi le a riantuan ding ning vial te a tang leiah ka vun in kuat hna.

CARD ENDOWMENT FUND NIH AA TINHMI

1. A fekfuanmi dirhmun ah CARD a dirhkhawh peng nak
2. CARD nih aa hmaithlakmi rian vialte tuanchuah khawh nak
3. CARD chungtel hna thinlung thazang funtomnak
4. Kan minung hawi caah le sermi thil dihlak ca riantha tampi tuan khawhnak

TUAN AWK TINHMI RIAN

1. CARD chungtel a simi ramchung ramleng in kumkhat ah song (200) lengmang in kumnga chung, sing (1000) funtom ding

2. CARD ramchung ah kumkhat ah a tanglei bantuk in thazang chuah ding

(a) ZPBA … … 1,000,000/-
(b) LABC … … 700,000/-
(c) ZBA … … 400,000/-
(d) SBA … … 400,000/-
(e) GBA … … 300,000/-
(f) ZABC … … 350,000/-
(g) BABC … … 100,000/-
(h) BAM … … 100,000/-
(i) UPC … … 100,000/-
(j) ZTBC … … 300,000/-
Total … … 3,750,000/-

3. Ramleng um CARD minung a simi paoh nih CARD riantuannak caah minung pakhat nih kumkhat ah mah le umnak ram phaisa (10) cio in thazang funtom khawh i zuam ding

4. Hi hnu kumnga ah CARD nih aa hmaithlakmi rian tuanchuah cuahmah ding

5. Training Centre ngeihkhawh i zuam in cu Centre ahcun a tak in tuanchuah khawh i zuam ding

Hi vial te timtuah mi hna hi hmunkip um CARD Unau hna tanrual nak lo in tlam a tling kho ding a si lo caah kan miphun le ram dawtnak thinlung in teimak kan chuah cioding zawngah zangfah nawl chih kan in duh ko hna.

A dihlak HIKA hin relding.
---
Original cakuat CARD Group Mail 13 June 2009 ni ta ah relkhawh a si.

NBU le Lairam Krihfabu hmailei rianttuannak

Source: Lai Forum mail (11 June 2009)   Dear Saya Thomas, CCC Thanglawi na vun thlahmi cung ah lawmhnak tampi a um. Ralkap cozah nih Sianghleirun pakhat hmanh Chinram ah umter an duh lo lio ah Church hruainak in CACC nih CCC a dirh cu lawmh a rak um taktak. Pathian thawng in rianttuantu ttha CCC nih a ngeih hi lung a hmui ngai. Lawmh a um khun nak cu CCC ah laica an chimh leng ah BA. English a um hi a si. Chin mino hna fimnak lei thannak le miphun kilvennak ah bawmtu tha ngai a si lai ti ruahchannak tampi ngeih a si.    Khuaza phan laitlai dihlak zong nih CCC Principal bia bang dirhkamh cio awk hrimhrim a si. A tu Norway lei zong nih Falam, Matupi le Hakha hna i kum tin baibal sianginn saya pakhat cio lahkhah tal pek khawh awk ah N.Baptist Union (NBU) hruainak in Norawy Baptist Church dihlak le Norway um Chin Churches hna  nih kumkhat budget chung ah telh cio ding in program an tuahpi cang hna.2009-2010 in cun kum tin zei mawzat an bawmh khoh ve lai ti thawng a leng cang, ruahchannak a um ko.Norway Chin Baptist Churhes hna hi CACC chungtel an si dih.   Norway ah Baptist Church dihlak 80 a um i, mipem chucrh hi 15 an si. Norway cozah theihpi nak le NBU ah chungtel a lut cangmi Chin Baptist Churches pa nga a um cang. A tukum ah Carson Baptist Church dirh a si i, pa ruk an si cang lai. An karh chin thluahmah rih lai. NBU nih Norway um Chin Churches hna he fonh in MBC in ZBC ah mission rian tuan ding in NBU GS Rev. Magne Mæland cu December 2009 ah survey tuah ah kawlram a tlawng i tuanvo ngei he an itong cang. Norway Chin Christian Fellowship (NCCF) cu ZBC he Palewah peng ah direct in mission rianttuan awk ah timhlamhnak a ngei cang.   Lawmh awk ngai pakhat cu ZBC GS Rev.Thawng Kam zong NBU Annual Meeting ah phungchim an sawm, July,2009 chung ah Norway  a phan lai. Norway um Chin Churches pawl zong an ingaih ngaingai, An Church cio ah phungchim sawm ding in NBU ah booking tuah icuh lulh a si. Pathian nih caanrem kan pe sehlaw vulei kan minung hawi he ramchung ramleng ttanrualnak laam a pem chin lengmang ko lai.    Note: A dihlak HIKA hin relding a si.   Ceu Mang ------------------------------ "Serve with gladness"