Note: Orhlei column cunglei i "CARD Thawngthanh (6 Aug 2008)" zong ah hmet law rel khawh a si.
------------------
Hmun kip um mi dawtmi Unau hna,
Semnak kan Laitlang ram in nan kut kan in tleih hna.Nan dam cio maw? Malaysia lei in Zotung le Zophei in a kan liam tak mi kankan theih i kankan
A tu kar hrawng kan biaruah a thaw ngai i tha a tho chinchin. Bia ruah thawtnak nih zei tluk in dah miphun cungah thinlung kan ngeih (Concern) kan ngeih ti kha a langh ter i kan rak i lawm tuk. A tu nan i ceih lengmang mi Website kong he peh tlai in kanmah lei in tuah kan duhnak in a sau ngai cang nain kanmah lei in tuah khawh a si lo caah kha ka lei a um mi kan Unau hna tal nih nan kan tuah piak khawh ahcun a tha tuk lai Group biaruahnak te zawng a tha hnem tuk lai kan ti mi ah a tu chene tiang hi kan pa le tanpinak in tuah khawh mi tawk ah kan lung aa lawm tuk.Tuah lo le thawk lonak cha cun duhning in tlam a tlin rih lo hmanhah a tha hnem deuh thiamthiam ko lai.Hinak tha deuh le tlamtling deuh in a si khawhnak hnga cu Pathian le hmunkip um mi kan Nupa le Unau hna kan in bochan ko hna. Unau hna thawng ngeih a rak chia tuk ve.. Tantak mi chungkhar le miphun hawi cungah Pathian hnemhnak um hram ko seh tiah Semnak Lairam in thlaza in cam piak ve hna.
A tu Lailei thawngpang cu nan rak theih pah cang bantuk in kan ei din kongah lung rethei a si cio ko . Lai lei Lei a thuang kho lo an tam,Zuu a hrang tuk i Fongvoi zawng lak ding a um lai lo an ti. Tu kumnak in kum vui ca lung rethei deuh a si cang. Cu caah dawtmi Unau hna kan pam hi a kum in aa peh cang ti awk a si.Khua can aa ning cang lo chin lengmang, Ti rawl chuahning a tum lei a si. Zawtfah dam lonak phun a tam chin lengmang. Eihmuarnak le ningcang lo in thil tuahnak a tam chin leng mang, dawtnak zawnruahnak a tlawm deuh chin thluahmah. Fir le tlei a tam chin.
Cu caah a tang lei ah biahalnak pa nga ka vun chuah,
1. ZEI RUANG AHDAH HI THIL HI KAN TON? ( WHY?).
2. ZEI TIN DAH KAN TUAH A THAT LAI? (HOW?).
3. ZEI TIK IN DAH KAN THAWK LAI? (WHEN?).
4. ZEI DAH A HERH? (WHAT?)
5. AHO NIH DAH A TUAN LAI? (WHO?).
Hi bia halnak panga hi CARD Unau a si mi pouh nih kan ruah cio ding ah
sawm kan duh hna. Na ruahnak le na lung put na rak langh ter khawh
venak lai Miphun zawnruat tu dihlak Bawikhrih min in kan in sawm hna.
----------------------
CARD THAWNGTHANH (July 2008)CARD Field Director pastor Ngai Men cu Thailand ram ah thlathum chung Grassroots Leadership Training (GLT) a kai. Tlamtling tein an training kai a dih hnu ah an cawnmi pawl kong CARD unau vialte sin ah thawng a kan thanh i a kan theihter. A cungah kan ilawm hringhran. CARD ca ah kan biak Pathian nih kan farnu pastor Ngai Men cu hmang chin ko seh.
Hi a training kainak ah hin CARD fulltime General Secretary a rak ttuan hmasa tu Rev. Ngun Kham zong thlathum chung a rak kai ve. CARD an kan bomhnak cungah kan ilawm. Kan biak Pathian nih thluachuah pe chin ko hna seh.
-------------
-Pastor Ngai Men thawngthanh mi rel ding ah HIKA hi hmet law a ttialmi dihlak in rel hna.
-CARD hmanthlak zoh ding ah HIKA hi hmet law zoh. Hmanthlak bom dangdang zong hmet hna law a chung um an hung lang cio lai.
Laitlang lei rianttuannak kong sazama Ngai Men, CARD Field Director nih a kan thanh pah lengmang i kan i lawm. Hmailei zong ah kan thanh lengmang ko u tiah kan nin sawm rih hna. Nan ca thlah mi le thawngpang thanh mi tete pawl ah lehnak le ceihphainak a um lo hmanh ah nan tha chia hlah u. Thawngpang nan kan thanh i kan ram sining le rianttuanmi tete kong kan theihmi hi a man a sungtuk mi a si.
